Hawideri Oddi,

dei letzda Koll, dia oa boa Sprich zum schiggn, is oakumma.
zwoa Sprüch howa da scho gschiggt, owa dein Bostmasda
kann'st sogn, daser si scho reiern hêit kinna, daser wos krêigt hout.
Normalarweis im Indanedd is des a sua, i mech dars blouß sogn,
anständi is des fei niat vo Eich !

I how extra mei Glingl vom Komputa sua eigstöllt, daß i's glei hêia,
wenn'tses wos in mei Bostkastl einitouts. Letztin wori wida am Kanape
glegn, schöllt's wêi blaid undam Tiesch. I bin glei aafgsprunga, homa mein
Kuapf anda Dischkantn oaghaut, bin kam mêiner in alle zwêi Bantoffln
einikumme und lousgrennt. Beina hêits mi iwa des Bobikoa vo meina
Kloin driwaghaut, sua schnell wor i droa voa lauta Neigia. Und wos is
kumma ? - nix vo Eich !

da Maila-Demon voh da Bost haut ma mal wida wos zruggkschickt
....mail failt, rietörning to sända - Mässätsch lock folous......
und nu meinara sua Zeich, wos i gaua niat vastai
....Süntaggs erroa und missing in Ruth.....,
daweil kenni dei Frau gaua niat.

Frêia, dou woa des ganz anersch, dou is dea Breif êiascht nau a boa
Wochn wida zruggkumma, a haffn Stempl draf und wirrs Zeich mit blaua
Grein und i howmi imma gwunnert, wêi dêi üwahapts mein Absenda
assagfunna hom, woa doch gaua niat draafgschtandn.
Heizatoch haut'es da Bosdmasta glei wida um di Ouarn, dou kast draaf
woatn -  owa des is halt a sua. Und im Zeidalta das viarazwanzich
Stundn-Sörviz
- manchmol gêits nu schölla, dou bstöllt dei Zeich in da Frêi,
und nammitoch is scho dou -
kan koina mêia wos dawoatn. I a niat......

Dawal schêine Graiß, bisi wos hêia vo dia,   JR

eMAIL an Ottfried Fischer,
den Macher des Schlachthofes im Bayerischen Fernsehen

© Copyright 1996-2021 Architekt Josef Rosner

Letztes Update: 10.Oktober 2021 - Version 8.51

neue Internetseite